شـرح طـريـقـة تـركـيـب مـكـيـنـة 454 عـلـى (يـوكـنGT بـاب واحـد)

بسم الله الرحمن الرحيم

الموضوع هو شرح طريقة تركيب مكينة 454 على

يوكن GT باب واحد موديل 99 ( يوكن ربع)

نبدأ في الــــشرح :

اولا: المكينه
طبعا هو بأساسه شد بلد ما يجي454


مكينته الأساسية هي 350


وبصراحة بنسبة لي أنها مكينة متواضعة جدا جدا جدا بالقوة في التسارع (أتكلم عن نوع TBI وليس الفورتيك)


بنسبة لي وأعتقد وبنسبة كبيرة فكرة تركيب محرك 454 على يوكون باب واحد ممكنة بس يبيلها $$$$$


وبصراحة لازم تحط في الحسبان أن فكرة تغيير المحرك لوحدة لا يكفي أطلاقا لازم تغير أشياء ثانية معها


أولها القير
بتركب المكينة على نفس القير صدقني ماراح تحصل على القوة الي راح تتمناها في 454


ثانيا الدفرنسات!
تروس الدفرنسات في اليوكون الباب واحد حقت قطع 1500 الي تجي الرقم حقها بسيط لازم تركب حقت قطع 2500 الي تجي الرقم فيها كبير علشان القوة ماتكون تتوزع على دفرنس محشور لازم يكون الدفرنس ماخذ راحته على القوة الجديدة


تقريبا هذي أهم الأشياء الي لازم تغيرها مع المكينة


أعتقد أيضا لازم تغير نظام التبريد لأن مكينة 454 يعيبها أن حرارتها عالية مقارنة بـ 350 هادئة
والأفضل أنك تركب مراوح كهربائية لأن مراوح السير حتى لو تركب مراوح مكينة 454 حقت البلد صدقني ما تكفي أنها تخلي المكينة هادية حرارتها على طول (عن تجربة) عيبها في الوقوف والأستخدام الخشن جدا في البر ترتفع الحرارة لثلاث أرباع زي السلام عليكم وأن وصلت الحرارة كذا سلملي على العزم


ذلك أعتقد لازم تغير تروس قير الدبل مش متأكد من المعلومة لكن قد سمعت واحد يتكلم عنها


شوف عندك نوعين من نظام الحقن في مكاين 454


عندك نوع TBI وعندك نوع Vortec


مكاين الـ TBI في 454 قوتها 230 إلى 250 حصان والعزم 170 كيلوواط والعزم 367 بالرطل/قدم
بينما مكينة Vortec في 454 قوتها 290 حصان وعزم 220 كيلوواط العزم بالرطل/قدم ما أعرف بالضبط لكنه في أعتقادي في 390 تقريبا


الي في موديل اليوكون الي معك هو فورتيك لأن الفورتيك بدايته من 95 وطالع بينما 94 وتحت مكاينها TBI


حسب معلوماتي (مو شرط تكون كلها صحيحة 100%)
أن مكينة TBI أكثر تحمل وأفضل من ناحية التعديل


لكن مكاين Vortec أكثر قوة وعزم وأقل صرفية وعزمها ما يطيح بسهولة في الصعود المرتفعات وأغلب الورش الي يسوي عنده فحص كمبيوتر أن كان مكينتها فورتيك بيقبل الكمبيوتر علشان يحدد المشكلة أن صار فيه مشكلة بينما مكاين TBI بيسوي فحص كمبيوتر لكن ساعات يضحك عليك ما يحدد المشكلة ولا شيء


(عن نفسي أن بتركب المكينة بتخلي فيها كل شيء شد بلد خلها بنظام Vortec وعلى فكرة في أعتقادي وبشكل كبير أن نظام الفورتيك في 350 يختلف تماما عن 454 الديلكو والأسلاك والبواجي واسلاك البواجي بتكون مختلفة يعني بتغير نظام الحقن بالكامل)



ثانيا: القير (الجير)


شف موترك نوع القير فيه هو TYPE 4L60E
حق مكاين 454 في موديلات الفورتيك هو TYPE 4L80E


بخصوص رقم الدفرنسات بصراحة ما ادري وعلى فكرة لا يقتصر عليك تغيير الدفرنس الخلفي فقط بل لازم تغير الدفرنس الأمامي كذلك لا يصير قوة الأمامي أقل من الخلفي ثم ينكسر عليك قير الدبل لما تشغله


شف بعد هذا كله يفضل بعد تغير نظام البريك عندك يعني تركب هوبات وفرامل قطع 2500 علشان تقدر توقف السيارة بشكل اللازم لأن قطع 1500 الي موجودة باليوكون الربع ماراح تقدر توقف سيارة تنطلق بالقوة الجديدة (454) فلازم فرامل أقوى ولا بتوهق عمرك في مواقف شينة


على فكرة كلامي كله هذا قلته لك من دراسة سويتها بنفسي (قد يكون فيها بعض الأخطاء) لأني فعلا فكرت مثلك بالضبط بتركيب محرك 454 على GT لكن شكلي ماراح أسويها لأن بصراحة يبيلها ميزانية قوية جدا تتكلم عن 25 ألف ريال أقل شيء كل القطع جديدة من أمريكا بما فيها القير والمكينة وتقريبا شاملة التركيب وشغل نظيف جدا ومرتب


وأخيرا شيء لازم تعرفه


هو قوة موترك الحالية مقارنتا بقوة موترك لما تسقط عليه 454


موترك فورتيك مكينة 350
القوة الحصانية 250 والعزم 174 بالكيلو واط و335 رطل/قدم


على مكينة فورتيك 454 أن أفترضنا أنك فكرت بالفورتيك
القوة الحصانية 290 العزم 220 كيلوواط و390 رطل/قدم تقريبا وقد يزود


فكر زين وقرر ثم توكل على الله سواء بفعل المشروع أو بتركه

سؤال: بس انا قالي واحد عنده يوكن ربع يقول انا مركب عليه( مكينة تراك) وشايل كلج مروحه المروحه الكبيره حقت المكينه

يقول عشان العزم؟؟؟

شرايك انت بالكلام هذا؟؟


هو شف أخوي


أنت تقدر تغير المكينة وتركب كلتشات رياضية للقير وأنتهينا


لكن طالما قير السيارة نفسه مو تروسه موسعة أو تتحمل القوة الجديدة فماراح تحس بفرق كبير جدا في القوة هذا هو المقصد فقط


شف أنا للمعلومية تراني منب خبير لكني تعلمت بالمنتدى يعني أخذت خبرة لا بأس بها


أعتقد تقدر تسقط المكينة وتعدل الدفرنسات نفسها بس بشيء أقوى وكذلك القير وسلام عليكم وهذي أسئل فيها مختصين ورش التعديل عندكم


وتراني ما فهمت بصراحة وش المقصود بالتراك


اقتباس:
بس انا قالي واحد عنده يوكن ربع يقول انا مركب عليه( مكينة تراك) وشايل كلج مروحه المروحه الكبيره حقت المكينه


قصدك مكينة TRUCK وترى مثل ما قلت لك خبرتي بالترهيم مو كبيرة علشان تعتمد على بياناتي لكن أنا قلت لك فكرتي الي كنت انا بسويها بموتري لأني كنت بالاساس أبي كل شيء جديد حق شد بلد



بخصوص موتري


موديله 94


مكينته 350 نوع TBI وليس فورتيك


والله الحمد الله جربته كم مرة في الطعوس


وعزمه ممتاز وقوي وميزته أيضا أقتصادي وحرارته دائما على الربع (ماشاء الله تبارك الله) ما ترتفع إلا مع الأستخدام الخشن توصل على الثلث ثم تنزل على طول على الربع أن هديت على الموتر وتعتبر طبيعة جدا ولا منها أي ضرر لأن الخطر أن وصلت للنصف وتعدتها وهذي 454 تسويها بالراحة




على فكرة فيه ساعات تعديلات أحسن من أنك تغير المكينة


ما فكرت بـ Power Package من شركة Edelbrock


ترى ترفع قوة السيارة بشكل رهيب جدا


فيه أنواع ترفع القوة إلى 410 حصان!!! شايف كيف الفرق


وهي هذي قطعها
http://www.edelbrock.com/automotive_new/mc/power_package/images/e-tec_pp.jpg




http://www.edelbrock.com/automotive_new/mc/power_package/images/2098b.jpg



http://www.edelbrock.com/automotive_...age_main.shtml




http://static.summitracing.com/global/images/prod/large/edl-2099_w.jpg


عبارة عن روس ألمنيوم ذات تحمل أقوى
وثلاجة
وكام شيفت
وراس كلبريتر رياضي
على فكرة بعضها بدون راس الكلبريتر الرياضي
والي اقصده هو هذا

http://www.edelbrock.com/automotive_new/mc/endurashine/img/14054.jpg
الباور باكيج سعرها في حدود 1800 دولار


بس مع شوي تعديلات في القير والدفرنس ومراوح كهربائية وأعتقد تكفي وأستمتع بالعزم والقوة


ومثل ما قلت لك لا تعتمد علي بالترهيم اسئل المختصين لأني مثل ما قلت لك مبتدئ في هذي الامور


سؤال: مكينة تراك ما اعرف عنها بس يمكن حقت جمس ونيت الي يجي حجم 3500 الطويل ابو4 بيبان لان هذا يجي 350 ضغط عالي

المهم قالي واحد روح حق ميكانيكي جيد وخله يسوي خراطه حق البساتن يسوي دبل خراطه يعني يوسع البساتن على اخر شي لان الستاندر تقدر تسوي خراطه عليها مرتين فقط ..
ويركبلك كبريتر ترانزم.. الي يشابه الكمارو

410 حصان

ياسلام يعني طياره..

زين هذي وينها الشركه ممكن توضحلي شنو راح يسوون ؟ وتعلمني مكانهم وين؟

وبعرف شنو لازم اغير بالسياره مع الــ 410 حصان ؟؟


بخصوص الشركة Edelbrock هذي شركة أمريكية عريقة ومعروفة جدا في مجال التزويد يعني ترى مو تخصصهم تعديل سيارات فقط! حتى دراجات نارية شاحنات وغيرها ... ألخ

أنت تشتري القطع من النت

فيه عندك موقع http://www.summitracing.com/

موقع معروف جدا لقطع التزويد للسيارات يعتبر من أشهرها وأرخصها ومضمون

تقدر تحصل الي تبيه من أي قطعة أو تشتري باور باكيج كامل أو أي شيء يخطر في بالك تقدر حتى تدور قطع تزويد مو بس للمحرك حتى للقيور الدفرنسات المساعدات الأشياء الكهربائية ... ألخ

تقدر ايضا تحدد نوع سيارتك وشركتها وموديلها ويطلع لك كل القطع الي تركب فيها
والسلام عليكم ورحمة الله وبركاته
تحياتي(امل الحياة)